NY FAHALEOVAN-TENA - Petakasoa

Azo vakiana?

NY FAHALEOVAN-TENA

Moa ve fitiavam-pirenena,
Raha  sahy hosihosena
Ikipiana maso, tsy jerena
“NY FAHALEOVAN-TENA”
Nilofosan’ireo feno fahendrena
Fa natakalo fangoronan-karena
Nahatonga mahantra sesehena
Nankamamina ny hafetsena
Fitiavam-bola no nampandresena

Moa ve fitiava-tanindrazana
Ny fampiasàna fahalebiazana
Hanapotika tsy ho  tazana
Ny soa napetrak’ireo razana
“NY FAHALEOVAN-TENA”
Fa ilaozana mihidy vazana
Mifikitra amin’ny fanotazana
Ka izao ny tany  ngazana
Ny fiainana miha- mazana

Moa ve fitiavana an’i Gasikara
Raha ilay lova sarobidy tsara :
“NY FAHALEOVAN-TENA “
Voarakitra ao amin’ny tantara
Hoan’ny taranaka amampara
Tsy voakolo, tsy voakarakara
Nananana hevitra maramara
ka namidy ambongady, antsinjara
Ny mpiray monina voazarazara

PETAKASOA (faha-05 jona 2010)

Hametraka hevitra

Midira aloha

Mombamomba

Mpanoratra : Petakasoa

Nampiditra : petakasoa
Daty : 06/06/2010
Mpamangy : 1063
Mankafy : 0

Tononkalo hafa

NY FOKO VE NO ...
HAFATRA
HAY VE
Hafatra Paska
Tompo ô! ataonay ahoana
NOFINOFY
Ianao no anjarako
HERISETRA
MALAGASY AHO, MALAGASY IANAO
NY ZANAKA sy ny RAIAMANDRENY