IANAO (RAMANANTSOA Ricardo)

IANAO


Ianao no namohizako, izay rehetra ananako
Ianao no notolorako, izay mba hoe fananako
Ianao no nianteherako, hany nitarainako
Ianao no nanokanako, ny andro rehetra iainako
Ianao no namborahako, ireo tsiambara-teloko
Ianao no nametrahako, nizarako ny alaheloko
Ianao no nitokisako, ianao irery iany
Ianao no hotiaviko, mandra-podiko ho tany
Ianao no niantsapazako, raha izaho nanirery
Ianao no fanafodiko, nanasitrana ny fery
Ianao no fahasambarako, hany tokana malalako
Ianao no hany tokiko, hantenaiko mba ho anjarako

Ka na ho levona ny tany, ary hanjavona ny lanitra
Ny fitiavako eo ihany, tsy miova fa maharitra




Ramanantsoa Ricardo
--------