Ilay fitiavako anao (RAMANANTSOA Ricardo)

ILAY FITIAVAKO ANAO

Tsy maninona tsy akory
Raha izay no sitrakao
Dia ny hampijaly sy hampahory
Ity olo-mitalaho.


Mba miangavy fiantrana
Sy mitalaho fitiavana
Ka mamoa midanadana
Izato fo izay mila havana.


Nefa indrisy fa natsipy
Toa tsipolitra nanaraka
Izay nohongotana mihintsy
Dia nariana, tafasaraka.


Na izany aza anefa
No hany mba vitanao
Dia tsy mba hiofo tsy ho lefy
Ilay fitiavako anao.


Fa vao mainka miamafy
Sy tsy miova tsy ho lao
Ilay fitiavako anao.


RAMANANTSOA Ricardo
--------