Ventsom-paniriana (RAMANANTSOA Ricardo)

Ho anao ry zazavavy
Izay handinika ny teniko
Miondrika eto sady avy
Mba hamangy anao ny peniko

Antenaiko ianao fa salama
Amin'izao fotoana izao
Matoa ny ventsoko tsy tana
Fa miantefa any aminao

Efa nataoko ihany ny hangina
Tsy anambara ny ato ampoko
Haneo ilay ventsom-paniriana
Indrisy anefa fa nisoko

Koa ankehitriny sombinaiko
Lazaiko anao ny faniriako
Hampilamina ny saiko
No anantenako anao ho olon-tiako

Izay ary no izy ka diniho
Nefa aza fady mba valio
--------