You are here: home > Vetso

NY ANDROM-PAHAZAZAKO - RAMANANTSOA Ricardo

Azo vakiana?

Mialoalo mitamberina
Irony androm-pahazazana
Tena tiako raha miverina
Fa andro tsara mahatamana
     Toa mitsingerina ao an-tsaina
     Irony andro tena soa
     Ilay afaliana vao maraina
     Raha vao indro fa mifoha
Tamin'izany fotoana izany
Dia kilalao no tena asa
Ka ny afaliana sy ny mamy
No ahatsiarovana ny lasa
     Andro kanto mahafinaritra
     Izany androm-pahazazana
     Ka niriko mba haharitra
     Indrisy anefa fa tsy tana
Toa niserana nandalo
Ilay androm-pahasambarana
Nitondra tsiky sy ny kalo
Nantenaina tsy hifarana
     Nefa indrisy vetivety
     Toy ny zavatra najifa
     Dia nidify sy niletsy
     Ka fahatsiarovana no sisa
Ka raha azoko natao
Ny namihina nitazona
Dia notazomiko tsy handao
Irony androm-pahazazana

Hametraka hevitra

Midira aloha