IO SORATRA IO (Joda Razakasoa)
(Nalaina tao amin'ny vetso.serasera.org)
Matoa ianao poeta !matoa ianao eto anivon'izao tontolo izao,
dia misy hetaheta
tiana ho vahana amin'ny anjara taninao,
matoa ianao nohariana !
ka arafitra hilomano anatin'ny fanahy,
dia misy vinavina
mendrika apetraka, lavitra ahiahy!
matoa ianao mikalo !
mikalo mangina ravahim-peo-kira,
dia misy fahavalo
resy noho ianao hatrany an-dakira,
matoa ianao misy!
dia tsy tongatonga foana, f'izao no tadidio:
ianao dia toy ny lisy
mijoro mandavan-taona, noho io soratra io...
Joda RAZAKASOA
04 desambra 2017
--------
Rohy:
