You are here: home > Vetso

MISY TAKARIVA - Joda Razakasoa

Azo vakiana?

MISY TAKARIVA

Misy takariva tsy azonao faritana,
fa mitondra amboaram-pahatsiarovana
dia misy koa...ny fanilon'irony kintana,
no mampatsiahy ny lala-nolalovana

misy takariva mampirotsa-dranomaso,
satria mamelovelo ao anaty ny lasa,
ka mampanembona indray ny setran'ny ankaso,
fa nanjary lasa nofy,ireo zava-nokinasa!

misy takariva...mampiteny irery,
raha toa ianao...sarak'olon-tiana,
ny sisin'ny kamory,mimaona tsy miteny!
fa nilaozanareo tamin'ny ranomasom-pijaliana

misy takariva...mampiaina ilay fanahy,
dia ny aingan'ilay bitsiky ny fo,
fa misy takariva mampiteraka ahiahy,
satrio io takariva io...dia takarivam-pamohizam-po!

JODA RAZAKASOA

Sokajy : embona

Hametraka hevitra

Midira aloha