ILAY VONIN-DRAOZY (RFE Andria)
Mbola tsisy niantsa
(Nalaina tao amin'ny vetso.serasera.org)
ILAY VONIN-DRAOZYVonin-draozy kanto iray tao anivon-jaridaina
no nambabo izato foko, nahasarika ny saina
Lasany any ny fitiavako, nomeko azy manontolo
noho ny hatsaran-tarehiny, loko meva tokam-bolo
Endrey! izato fofo-maniny fa manentoento ery
mipariaka entin-drivotra ilay hanitra fitia!
Fanina aho, tena doroka, nefa mbola te himamo
Ilay hanitrao manintona, toa manasa hoe: andramo!
Alaim-panahy aho izao hanatsotra ito tanako
ka hioty anao ho ahy, hanaingoako ny tananako
Nefa,
aoka ihany amin'izao hoy ny feon'ny fahendrena
ny fitangosako anao zary fitiavan-tena
RFE Andria - 18/04/2016
--------
Rohy:
Sokajy :
Fitiavana