MAHANTRA IANAO RY FIRENEKO (RFE Andria)

Mbola tsisy niantsa

Hangataka antsa
(Nalaina tao amin'ny vetso.serasera.org)
MAHANTRA IANAO RY FIRENEKO
(nisy nandoro ny Rovan’Ambohidratrimo)

Indrisy ho’aho ry Fireneko !
Manan-karena ianao, ekeko
Ny harena ambanin’ny tany
Ny any an-dranomasina any
Zavamaniry sarobidy
Toerana izay be mpifidy
Biby ts’isy afa-tsy eto
Zava-manitra manento
Sy ny sisa, sy ny sisa
Izay tsy ary ho voatanisa…
Fa, mahantra toe-tsaina
Ny mponinao mampitaraina
Tsy manaja izay hasina
Itsahiny ka mitsinkasina…

Indrisy ho’aho ry Fireneko !
Manan-karena ianao, ekeko
Fa, mahantra toe-tsaina
Ny mponinao mampitaraina!
Ka migogo ny tomaniko
Fa simba, rava ianao ry taniko…

RFE Andria – 27/08/2015
--------
Rohy:
Sokajy : Tanindrazana
479 0
Hametraka hevitra
Midira aloha
Momba ny tononkalo
Mpanoratra : RFE Andria
Nampiditra : Arofanina
Daty : 27/08/2015 10:59
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0157