SAROPIARO (RFE Andria)

Mbola tsisy niantsa

Hangataka antsa
(Nalaina tao amin'ny vetso.serasera.org)
SAROPIARO

Saropiaro ny aminao aho ry tenindrazako, ry teniko
ka izao dia tsy afeniko
ny fanapahan-kevitro anio rehefa nolanjaiko tsara
ny amin’ireo mamarara
dia ireo minia manimbazimba ny haja sy ny hasinao
ka manao ny tsy fanao
fa mampiasa ireo litera tsy ao anatin’ny abidia
hoe mampiangola fitia…
Ka izao no hataoko aminy manomboka ny alatsinainy –
ho voarakitra ao an-tsainy - :
“Hoesoriko ny anarany tsy ho mpikambana eto intsony
fa tena mahalonilony;
hofafako ihany koa ireo asasoratra feno teny bory rambo
fa loza aman’atambo”

Miala tsiny aminareo aho ry sakaizako sy namako
fa ny teny izay fananako
no maha saropiaro ahy ka asandratro sy arovako
fa io no hany lovako
Mety hoe henjana ny sazy na hoe koa mahamay
fa raha tsy izay tsy fay…

RFE Andria – 03/10/2015
--------
Rohy:
Sokajy : Tenindrazana
1852 0
Hametraka hevitra
Midira aloha
Momba ny tononkalo
Mpanoratra : RFE Andria
Nampiditra : Arofanina
Daty : 03/10/2015 13:15
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.1745