TAPAKA - RFE Andria

Azo vakiana?

TAPAKA

Nivaha ny fatorana
Nahandrotra ihany
Tsy natao fato-maty
Tsy nahazaka orana
Nivatravatra an-tany
Mafy ka tsy tanty

Indro fa nirodana
Ilay akany kely
Naorina an-temaka
Indro koa fa fongana
Rava sy niely
Teny an-tany lemaka

Fitia diso toerana
Nandalo dia nisoka
Tsy natao haharitra
Voafetry ny erana
Na dia nilokaloka
Tsy mba voafaritra

21.12.2016

Mombamomba

Mpanoratra : RFE Andria

Nampiditra : arofanina
Daty : 04/05/2017
Mpamangy : 698
Mankafy : 0

Tononkalo hafa

NOFIKO, HONO...
AZA MANAIKY
LEO...(2)
HANGINA AHO...
IANAO
MIONONA
MANAN-KAMBO
ZOVY?
TSY HAIKO (2)
HAFATRA