TSAROAKO... (RFE Andria)
Mbola tsisy niantsa
(Nalaina tao amin'ny vetso.serasera.org)
TSAROAKO…Andro paka toy izao
No narindriko aminao
Ny varavaran’ny fitia
Ary izany ve? Satria
Ny anao lasan’olon-kafa
Izay nahay nitafatafa
Tanaty haizina ny foko
No niery, nitakoko
Tsy nahatraka fa nanjoko
Tsaroako, eny tsaroako…
Soa aho lavo tamin’iny
Ary tsy mba hanome tsiny
Fa kosa hahay hamindra
Amim-piainana mirindra
Ka ny taola-mahakenda
Na dia mampilendalenda
Avy hatrany dia aloa
Izay ilay lesona taloha
RFE Andria – 28/03/2016
--------
Rohy:
Sokajy :
Fisarahana - fiainana
Mpakafy:
Shcwarzeneric