You are here: home > Vetso

Ity noely ity - Tojo Rta Avotra

Azo vakiana?

Tompo ô!
Enga anie, ity noely ity
Mba hitondra ainga vao
Amin'ny fanompoana anao

Tsy ho noelin-drendrarendra
Tsy ho noelim-pandranitana
Tsy ho noely voky hatenda
Fa noely mpamitrana.

Tompo ô!
Tsinjovy koa ny saina
Toa mihorohoro sy manahy
Mba tsy ho noely very maina
Fa ho sambatra am-panahy

Mba jereo 'reo vahoaka
Ory sy fadiran'ovana
Tsy minam-bary tsy milaoka
Mba asio lisitra tovana

Arovinao ny firenena
Mba tsy ho rodan'ny mpandroba
S'ireo olona tia tena
dia mba hisy 'zay ho lova.

Dia ho noelim-pahasambarana
Ity noelinay ity
Ka ho isam-baravarana
Hankalaza Anao Kristy.
Amen...

Sokajy : Vavaka