Naleoko (Tojo Rta Avotra)
Mbola tsisy niantsa
(Nalaina tao amin'ny vetso.serasera.org)
Naleoko nanginatsy hamaly akory
ireo teny ratsinao
Nekeko ny ho sina
Na dia nanorisory
Ny hantsihantsinao
Naleoko niala mora
rehefa indro ianao toa tazako
Miaka-miakam-pofona
Toa mitady handrora
Sy hamelaka ny tavako
sa te hanongo sofina?
Naleoko namefy
ny foko tsy hitroatra
Mba tsy hanenenako
Naleoko nandrefy
Hatrany ambany aotra
Ny taham-pandeferako
--------
Rohy:
Sokajy :
Fiaraha-monina
Hevitra mandeha
fanasina7
(
13/01/2014 09:20)
Tsy resy akory zay olo-mangina e !
Ny fandeferana koa tsy faharesena akory !
Zany no tena fahendrena :)
Ny fandeferana koa tsy faharesena akory !
Zany no tena fahendrena :)
Tojoavotra
(
18/01/2014 11:32)
Marin'izany :-D
