FA ORA FIRY IZAO? (Volatiana Rahaga)

Mba ora firy izao?
No ny hariva manontolo
No nahatsiarovako ahy nanoratra?

Mba ora firy izao?
Ny ratsa-tanako efa valaka,
Soa ihany reo fa folo,
Feno hetsika malalaka
Ka afa-nanimbolo
Ireo rediredy aingam-panahiko
Atobaka aminao, ianao lay tsiahiko.

-Angamba-

Malahelo,
Ilay isan'ora banga anao
Ireo segondra ambaminitrany
Ireo tempo-po akitrany
Mazana tato ho ato
Averiny tsy miato...

Ireo tsiambaratelo,
Mila efa hitroatra,
An-tsoratra mivoaka
Ombalahy tsy tana am-bala
Nahatazana malala.

Mahatsiaro ilay isika
Manavatsava an'i Afrika
Ianao ilay nivolana
F'adino am-bamin'ny olana
R'efa eo anilako eo
Tia tsy mety leo!

-Angamba-

Very fotoana naminany
Ilay eto ka hatrany,
Fa manantena foana,
'lay indray andro mbola hiaona.

-Angamba-

Mbola ao 'lay ririnina mangitsy
Ireo sisa ora vitsy
Nahafahako nijanona,
Niankinako aro-fanina
Sy ilay veloma mbola mino
Sanatria ifanadino!

-Angamba-

Niverina Nihelina,
Nandalo toa tsipalotra
Namoha, nanelingelina
Ilay efa latsa-paka
Tsara fototra efa matotra.

-Angamba-

Ilay penina
Tsy nangalatra fa naka
Ireo fotoanako,
Nomeko tsisy nenina..
...Fitiavako!!
Andeha ange zahao
Efa ora firy izao?

VR.17-07-08.
--------