OMEO AHY. (Volatiana Rahaga)

Omeo izay azonao omena:

Ny tananao ho fihiniko,
Ny masonao banjiniko,
izay foinao tsy an-katerena,
Ho ahy dia izay no fandresena.

Omeo ahy ho vinaniko,
ny andronao maraina mihiratra
tana-masoandrom-pitsikiako,
kintana iray mamiratra.

Izay mozika fandrenao
ento amiko ataoko hira
ho ren'izao tontolo izao
F'am-poko ianao na an-dakira!

omeo ahy ny fanantenana,
ihazonako ireo dina,
Hamelona azy ho hafanana
ahatontosan'ny faniriana.

Omeo koa ny alahelonao
An-tsoroko indro apetraho,
Ireo mety hiaka ranomaso
najananaikan'ny ankaso.

Ianao no efa ilay nandrasako
ilay notadiaviko kinasako,
Ilay efa vitako hoso-doko
Eny ho aho... efa lasanao ny foko.

VR.
--------