TIA TOXICO-MANINA (Volatiana Rahaga)

(...)Raha tratrany:

Mianjeranjera, mifatratra any an- tatatra
Mihiaka, mitomany, mihatatra...

Mipôripôrina fandeha,
Mibadabada mampihomehy,

Misalebolebo te hivoaka
-'lay rediredy mamo toaka-

Jambembena andro mazava,
Manao fijery mamo lava.

Mivolambolana ny marina,
Miaraka amin'ny feo farina.

Badenidenina ny loha,
Mivezivezy ny ambiroa,

Mihilaila amoron'antsana,
Miantso vonjy am-peo karantsana.

Sempotsempotra, manidina,
Manadino, lohan'angidina

(...)

Toa tena mihatra aman'aina,
Ilay izy lasa "daina".

Fadio lahy ny -"Tia toxico-manina"-,
Fa raha sendra azy ho fanipanina.

VR,Anjoron-tany 30-06-08
--------