FIFAMELÀNA (AnjaraNivo)

Nantsain'i
(Nalaina tao amin'ny vetso.serasera.org)
FIFAMELÀNA

Na misy aza hetraketraka navelan'olon-kafa,
Ny lolom-po anaty mira ratra ho an'ny tena;
Ka aza maka aretina amin'ny fiainana efa lasa
Fa ny tokana fanefitra ho anao dia mifamela.

Endri-pahendrena sady mendri-pideràna
Moa toetra azo hianarana volena ihany koa
Ny toetra mankamamy sy mitia fifamelàna
Fa fahatsaràna anaty izany hoe madio am-po.

Irika hampamoa ny fihavanana efa simba
Ny tsy manaiky ho resim-pankahalàna an-taona maro,
Ary tena voninahitra ho anao indrindra indrindra
Ny hoe mandray ho namana izay rehetra fahavalo.

AnjaraNivo
--------
Rohy:
Sokajy : ahy - fiainana
669 1
Hametraka hevitra
Midira aloha
Momba ny tononkalo
Mpanoratra : AnjaraNivo
Nampiditra : Ainampaniry Anjara Nivo
Daty : 24/04/2022 21:00
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0142