IZAHO TSY IZA AKORY (AnjaraNivo)

IZAHO TSY IZA AKORY

Izaho tsy iza akory
Fa singa mpampifaly amin'ny andro mampahory,
Mpandrotsirotsy mavana ny fonao mba ho tony.

Izaho tsy iza akory
Fa afo mpanafana ny nofo mora ngoly,
Mpandravona saritaka tsy hisian'ny lonilony.

Izaho tsy iza akory
Fa angatra voairaky ny nofo efa matory,
Mpikalo ny hatsaràn'irony voary maitso irony.

Izaho tsy iza akory
F'ilay mora voababon'ny "tsy fantatra any am-pony",
Sodokam-pahamendrehan'ny fitsimoky ny vony.

Ka moa ianao toa ahy?

Ainampaniry Anjara Nivo
--------