Tolokon'ny fo (Andriamihaja Johan (H-mainty))

Tolokon'ny fo


O ry foko mionona, aoka kely mahareta,
Aok’izay ny sentosento, ny alahelo sy ny tsetra
N’inon’inona efa vita, ka mamela hola-pery
Aza arahin’alahelo, atodiho ny fijery

Aok’izay ny ventsoventso, sy ny fanembonana azy
Atrakao ny lohanao, ka mibanjina ny ho avy.
Ka ny vavakao ry foko, no akaro lalandava
Fa ireo tsy tia sy mpankahala, toa mitetika ny handrava

Noho izany ô ry foko, mitanondrika ao anaty
Mijoroa, mionona, ‘zao no izy ka soraty
N’inon’inona atao, mitenena toy izao :
“O ry Ray mba tantano, ka ampio ty zanako”


A.L.J
--------