Mandalo (Bovalox)

Hitia ; Nahita ilay kintana nirenty sy nazava
Nanjelatra namiratra , tsara sady kanto
Satry hiteny mafy sy hitroatra, hivazavaza
Hambabo sy hanjono arahin-kira voalanto

Nitady izay fehezanteny hambaboana ity fo
Izay efa hita ihany fa nangalatra fijery
Ka io fa voasaringotra tsy hisy fanindroa
Vita teo fa tratra ilay nanao fangalam-piery!

Mitia ; Dia lasa niombona iray ny fo anankiroa
Ka ny voady sy ny dina dia fahafatesana ihany
Satria averimberina fa hoe lamban'akoho
Ka faty no isarahana sy handaozana ny tany

Niaraka ka niaraka tsy fantatra hatraiza
Tsy niraharaha izay fijerin'ny mpandalo
Na i Dada na i Neny izay nikolo sy nitaiza
Tsy nahoany, nohamavony , lazainy fahavalo!

Nitia ; Tonga tampoka ny orana, fefika ny sambo
Potika sy montsana ilay nolazaina f'ho doria
Nilatsaham-potaka , ka loza sy atambo
Rava vita hatreo, tsisy antenaina ilay fitia

Ny anjara sa ny vintana sa kisendrasendra
Ny mety hoe nahatonga anay hiara-dia ?
Sa izay ilay hoe taintran-drendrarendra
Nikoropaka nanenjika ka latsaka amparihy!

Hitia ; Dia hisy kintana indray ve handalo sy hanazava?
Hanjelatra hamiratra ho tsara sady kanto??
Asa lahy!
--------