Fo maràtra (Fiaritiana)

Tiako itsy raozy
Mamelana, mamoa
Fa raha ny fitiavako moa
No mitsangana,mifoha?
Dia mbola tsaroany ve?
Ilay olon-tiany taloha

Jereo ilay voninkazo
Tsy ampy tondraka angamba
Toy ilay fitiavako
Maty sy nalazo
Raha velona indray
Moa tsy hadinony ve?
Ilay olon-tiany fahizay?

Jereo ny ato am-poko
Maratra, miova loko
Tsy mety hitia intsony
Fa any andro iray
Raha miova hevitra izy
Dia mbola ho tiany ve?
Ilay olony fahiny?

FIARITIANA
--------