Rehefa aty Andafy (Karako)
(Nalaina tao amin'ny vetso.serasera.org)
Izaho aty ry Neny...ka mandeha miantsena,
Mividy anana sy hena...
Tsy eo intsony i Soa
...Hay tokoa moa !
Izaho aty ry Neny...
ka manasa lamba,
mipasoka tsy mihamba
fa tsisy "Jacqueline" :
voasolon’ny masinina.
Izaho aty ry Neny...
manatitra ireo zaza
na d'efa reraka aza
Fa tsy aty i Velo
‘baikoina hoe "Atero !"
Izaho aty ry Neny...
ka mandray angady
Fa tsisy asa fady :
tsy eo anie Rakoto
ho iraka sy boto.
Izaho aty ry Neny...
Manapaka kitay
Tsisy hoe tsy hay
Fa dia izaho ihany
No manao izany !
Izaho aty ry Neny...
mianatra mandrafitra
miasa sy finaritra
Tsy miandry "tanana"
mikoja izay ananana.
Izaho aty ry Neny...
Manao ny rehetra rehetra
Voatery miova toetra :
Tsy miankina amin'olona
Nefa tsy miolonolona !
Haja Raharijaona
Canada - 2013-08-07
--------
Lien:
Catégorie :
Kolontsaina - Fahatsiarovana - Fianakaviana - Embona - Tanindrazana - Fiaraha-monina - Fiainana - Aingam-panahy
Commentaires
Vanilia
(
22/11/2015 21:53)
tena marina
andriamanampisoa nomenjanahary nicolas
(
13/12/2015 06:21)
marina izany
