Indramiko (Nalison Randrianaivo)

Indramiko

Iny tsikinao malefaka
Mirindra ny filantony
Tiako mba hiresaka
Ijereko izato hakantony

Fa mahafinaritra ahy tokoa
Ireto fipetraky ny nify
Kanto e, meva avokoa
Matevina manifinify

Koa raha mba azonao atao
Iny tsikinao iny anie
Mba hindramiko izao
Hampifaly, hampihomehy

Ny tsiky mantsy tsy vidina
Fa homena tsy sandàna
Ary mitondra hamamiana
Tsy manan-tsahala
--------