Malala tsy foiko (Nalison Randrianaivo)
Pas encore lu
(Nalaina tao amin'ny vetso.serasera.org)
Malala tsy foikoAny izay ilay malalako
Tiako loatra anie izy iny
Ilay nofinidiko ho anjarako
Nofinidin'ny foko fahiny
Any izay ilay malalako
Tsy foiko anie izy iny
Fanilo nanazava ny lalako
Hatr'izay ka ankehitriny
Manina anao aho ry tiako
Ka mandefandefa vinany
Mba hanala ireo fijaliako
Ka alefako mankany ho any
Manembona anao aho rahavako
Mahatsiaro anao ilay fitiavako
Fa tsy mahafoy anao intsony
Tiany ianao ka tsy hadinoiny
Tsy satry aho mievona foana
Ka manontany tena indraindray
Hoe rahoviana ary vao mba hiaona
Hiaraka hiara-dia indray
Mitoloko anie aho mazàna
Mahatsiaro tena ho irery
Ity foko mitroatra no tsy tana
Toa mahatsiaro tena very
Fa mila anao ny androko sisa
Izay iainako ambon'ny tany
Ka miandrandra ho paradisa
Anao tokana tsy roa aman-tany
--------
Lien:
Catégorie :
Fitiavana