Ny tena fitiavana (Nalison Randrianaivo)

Ny tena fitiavana

Dia ny mahafoy ny ainy
Ho an'ilay tiany sy lalainy
Ka ho fitia lamban'akoho
Faty no hisarahan'olon-droa

Dia tsy misy fetra
Sahy manolotra ny androny rehetra
Ho an'ilay tiany sy tsy foiny
Ka afom-pitiavana tsy levon'ny ony

Dia ny mifanaja
Tsy aniany tsy kilalaon-jaza
Vonona hatrany ny hiara-dia
Aina no fetran'ny fitia

Dia ny miaraka
Tsy mba misaina izay hisaraka
Angamba tsy hisy izay ho lao
Fa tena fitiavana ny ahy sy ianao
--------