Tokim-pitia (Nalison Randrianaivo)
Pas encore lu
(Nalaina tao amin'ny vetso.serasera.org)
Tokim-pitiaHitia anao tsy hiato,
Eny... Tsy voafetra
Ny volana sy ny taona,
Fa ny aiko re no fetra
Fa ny foko efa vato,
Ka ho tia anao foana
Tsy hitsahatra hiteny,
Hanome tambitamby
Ary koa teny mamy,
Hanihany sy sangisangy
Eny... Ho anao irery,
Izany rehetra rehetra izany
Hihaino anao foana,
Hiaro anao hatrany
Hitsabo anao raha marary,
Hampangina anao tomany
Tsy avelako hisaona,
Tsy tiako ianao ho mosary
Tsy irery izany ianao,
Fa anilako hatrany hatrany
Mitoetra isan'andro
Eny atratrako eny ihany
Ka ho tantanako ianao,
Maraina hariva atoandro
Tsy foiko velively,
Tsy foiko ho zaraina
Tiako ho sarobidiko,
Ho tiavina sy hajaina
Eny... Ho ahy irery,
Satria efa nofinidiko
Koa vonona aho hiady,
Hitolona satria ianao
Ilay niriako hatr'izay,
Nitoetra ao am-poko ao
Ka mendrika ho vady,
Tiana mandrakizay
--------
Lien:
Catégorie :
Fitiavana