Tsaroako (Ny Radontsoa Mamiratra)
(Nalaina tao amin'ny vetso.serasera.org)
Tsaroako ianao androany ry zanak’olona iny:‘lay endrika mateza tsy levon’ny fotoana;
‘Lay tononkalo teraka tam-poko babangoana:
Namorona poeta tamin’ny androko fahiny …
Tsaroako indrindra ianao r’ilay mpanainga vetso;
R’ilay hatsarana tanaty sarin-teny;
‘Lay tsy mba nahalala ny dikan’izy ireny
‘zay lasa ranomaso sy rima vonto sento …
Tsaroako anio ianao ‘lay tokony hohadinoina
fa mbola mierinerina an-dapan’ny fitiavako:
Anarana niriako sy tsy afaka ao am-bavako
fa nisaloran’olona tsy ho fantatro na oviana …
Mahatsiaro anao aho ry Ary elatra iny a!
Nisidi-nanalavitra ny taniko sy ny amiko …
Kanefa hatramin’izao toa mbola ianao no olo-mamiko
Koa mba mivilia raha sendra mivahiny
Fa … Miandry anao ny akaniko …
Ny Radontsoa Mamiratra
--------
Lien:
Fans:
hery
