Zazavavin'ny alina (RAKOTOMALALA Tanjona Mandimbison)

Indro ny zazavavin'ny alina
Hiroboka anatin'ny fahotana lalina...
'Ndeha hiasa izy iny...

Ny fianjaikany lahy toa maha-ory,
Izato hanifiny...Toa mahangoly...
Fa manintom-bahiny!

Dia manao jejojejo mba hisy hahita
Fihetsika folo...kinanjo vao vita
dia indro tokoa...

Ingahy Ndriana ,tompon'ny harena
Nahatsipalotra an'ity mpivaro-tena
Dia niroboka koa!...

Dia io fa mampiresaka sy manontany:
Hoatrinona eo ho eo izao no mankany?...

-Dia maika tsy faingana rakala namaly
An'ity mpanefoefo te mba hikaly...
Ka hoentiny ho any...

Dia nentiny tany...mba hampijaly izato tenany
Iaretany,hono,na dia mangiran-dratsy aza vao mety ho avelany
Toa tena fijaliana!

...Nony maraina,rehefa vita ny nataony
Niala Ingahy Ndriana f'efa afa-po sy laony!
Rakalakely kosa hamonjy lahasa izay efa nofidiana...!

RAKOTOMALALA
Tanjona Mandimbison
09/01/2015
--------