Teny lasalasa (Herizo Ravonjison Andrianitsiahy)
Pas encore lu
(Nalaina tao amin'ny vetso.serasera.org)
Ratraratra iny, teny lasalasa teny !Tsy niniana kanjo toa nahatonga fery.
Malamalama vava loatra sy masiaka fiteny.
Namadika ny sary sy nanova ny fijery.
Tsy vokatry ny fo anie fa disodiso kely.
Lasalasa ho azy : kabary tsy valiana !
Rera-tsaina koa ka namely dia namely.
Ialana tsiny re, fa tsy fanahiniana.
Ilay fiainana mantsy, masiaka dia masiaka.
Ny ratram-po koa mangoaka dia mangoaka.
Atosin'izany avy dia injao fa mikikiaka,
Ka tsy voalanja intsony izay teny mila avoaka.
Hevero nefa hoe, mbola ao ny toe-panahy.
Tsy hanan-jamba mihitsy na tsy hampanjary izaho.
Iny re raha mety mba hibanjinana ahy.
Dia tsy hisalasala ianao, fa tsy mpamitaka aho.
Andrianitsiahy Ravonjison Herizo
Ampitatafika, 30 septambra 2026, 22:03
--------
Lien:
Catégorie :
Embona - Ahy - Fahatsiarovana - Fiaraha-monina - Fananarana - Alahelo - Eritreritra mandalo - Fiainana - Aingam-panahy - Fitiavana
