FO VOAHIDY (RFE Andria)
Pas encore lu
(Nalaina tao amin'ny vetso.serasera.org)
FO VOAHIDYNohidiako ny foko mba tsy hitia intsony intsony
Fa izany angaha no lahatra sy tendry avy any ambony
Ny hizorako amin’ny làlako, handehanako irery
Zava-dalina izany, tsy takatro fa misitery
Ka manomboka anio, ho moana raha ny peniko
Tsy hivetso intsony fitiavan’olon-droa ny teniko
Malala ary Tiana no nifampiantsoanay fahiny
Fa namana amin’izay sisa izao ankehitriny
Tsy horaketina an-diary ny zava-bitanay taloha
F’aoka ny lasa mba ho lasa tsy hofohazina hifoha
Mety angamba malahelo mitomany izany fo
Fa ankinina amin’ny Ray ny hanao izay mahasoa
Eny, Tompo, Aminao no anankinanay ny fiainana
Ny hamaoka ranomaso, hanafoana fitarainana
Aminao dia Aminao no ametraham-pitokiana
Fa Ianao dia Ianao ihany no hanome ny fitoniana
RFE Andria – 04/05/2015
--------
Lien:
Catégorie :
Fisarahana - Fitiavana
Fans:
The_BSB_Malagasy
Commentaires
The_BSB_Malagasy
(
07/05/2015 10:07)
Makarar fo kely, (y)
Arofanina
(
10/05/2015 07:46)
Izany no miseho rehefa mifankatia nefa tsy afaka ny hiara-dàlana e !