Naleoko (Tojo Rta Avotra)

Naleoko nangina
tsy hamaly akory
ireo teny ratsinao

Nekeko ny ho sina
Na dia nanorisory
Ny hantsihantsinao

Naleoko niala mora
rehefa indro ianao toa tazako
Miaka-miakam-pofona

Toa mitady handrora
Sy hamelaka ny tavako
sa te hanongo sofina?

Naleoko namefy
ny foko tsy hitroatra
Mba tsy hanenenako

Naleoko nandrefy
Hatrany ambany aotra
Ny taham-pandeferako
--------