SENTO (Totyjim)

Lalina loatra manindrona anaty toa teny marary
Ny donan'ny sento izay tonga tsy nahy
Manangona tsiaro sy ireo vetsovetso mitambatra ho sary
Dia ho entiny miainga ny fo sy fanahy
Misoko mangina toa toakam-bazaha miha-mahazo laka
Ny tena fiaviny tsy fantatra loatra
Mamolivoly mitondra tamberina mila tsy ho zaka
Dikainy ny antonony lasa izy mihoatra

Sento mandalo, miserana fotsiny manaitra matory
Ny samboaravoara-tadidy navelany tsy hainy akory


Totyjim
--------