Zany tia zany (Volatiana Rahaga)
Pas encore lu
(Nalaina tao amin'ny vetso.serasera.org)
...Tsy ampy raha ny teny
Tsy ahatafavoaka ireny
Eritreritra mandalo
Na hifofotra na himalo
Ireto tananao manoratra,
Tsy vitan-tsoratsoratra,
Tsy ahalaza velively
Ny hetsi-po miely,
Tsy eto an-tany ihany
Fa hatrany am-parany any.
...
Na noheverina ho maty,
Adino, lalina, latsaka anaty,
Dia mety handao ny fasany
Lay fitia ka ho habosasany,
...
Tsy voarefin'ny fotoana
tsy mahavaly ny hoe "nahoana"
Tsy misy zay valam-paria,
Tsy mahalala sakana ny "Tia"!
...
Ny "Tiana" angaha no mety
Hamefy lay lalana ho hety,
Fa ny any tonga eto am-bavako
Dia teny tsotra ho anao rahavako,
Tsy teniteny peta-toko
Fa toa tena tia anao ny foko...
VR.21-05-2008
--------
Lien:
Catégorie :
Fitiavana
Fans:
Vitsikakely
Commentaires
nyeja
(
11/07/2008 08:43)
Tsara, ankafiziko fa dia mazotoa hatrany !.Ny Eja
Sohitika
(
11/07/2008 09:27)
Mankasitraka anao Ny Eja nitsidika sy nankafy!