AZA MANANTSAFA (ARIMBOLA FENOTSIKY)

(Tononkalo voasoratra manoloana ny fanandramana nandoro Baiboly nataon'ilay tovolahy anakiray ho fampitahana ny tranga nisy teny amin'ny fivarotam-boky Ambohijatovo Antananarivo.)

Tsy azo hifanerena ny hino sy tsy hino.
Tsy azo atao mihitsy ny hinia hanadino
Fa manam-pahalalahana ny zanak'olombelona.
Manana fijery tsy ho voaloto na ho domelina
Amin'izay tsy tiany hinoana na oviana na oviana.
Fa inty no tsirin-kevitra tokony ho fadiana:
Ny hoe hanimbazimba ny masina amin'ny hafa.
Fahasahiana ratsy loatra, ka aza manantsafa!

Diam-penin'i ARIMBOLA FENOTSIKY
--------