Faneva (Fano)
Mbola tsisy niantsa
(Nalaina tao amin'ny vetso.serasera.org)
Ilay takariva ho maty masoandro, Volon-drahona mena, @mena masoandro
Mahalasa ny saina hierika indray,
Mena,faneva,io ilay loko iray.
Ilay mena ho fiandrganany,
Ny maintso ho fanantenana,
Ny fotsy ho fahadiovany,
Ny faneva iray no atsangany.
Ilay saina mikopaka, toa felatanana
Any ho any izay ireo havana,namana
Ny fitiavako ny taniko tsy mety hifarana
Madagasikara,Nosy maintso,hifaharana
Maintso,fotsy,mena
Toko telo naha-masa-nahandro
Loko telon'ilay firenena
Loko telo ho fitaratry ny andro.
Ny loko telo izay tsara indrindra
Loko telo iaraha-mamindra
Ny fihavanana, firaisankina
Dia ny fitiavana izay tsy ariana.
Hajao ny faneva hisandratra hatrany
Dia ilay loko telo no hameno ny tany.
Ka ny fandrosoana hitombo eny ihany
Fa ny fialonana hahetry @ tany.
*01041015A7D
--------
Rohy:
Sokajy :
Tanindrazana
