Toy ny vao omaly (ikemba)
Mbola tsisy niantsa
(Nalaina tao amin'ny vetso.serasera.org)
Toy ny vao omaly ny efapolo taona nifamihinantsika tan-dalan'ny fitia.
Na dia efa niova bika aza ilay endrikao malanto,
sy ilay vatanao tomady nambabo ahy tery.
Ny volonao koa, tsy tana fa indreo efa fotsy sasaka
noho ny ady saina sy ny olana nianjady
teo am-panabeazana ireto sombiniaina;
nefa hoy aho akia:
toy ny vao omaly ireny lasa ireny satria:
Ireo masonao na dia efa pahipahina
fa efa nolazoin'ny ela sy ny taona,
dia mbola ahatarafako ilay heri-pitiavana
nahavarimbariny ny foko fahizay.
Ary ny tavanao, na dia efa feno kentrona
nofafazan'ny hatsiaka sy nodoran'ny masoandro
teny an-dalam-pitadiavana
dia mbola mahababo sy manintona ahy.
--------
Rohy:
Sokajy :
Fitiavana
Mpakafy:
mandefitra
Hevitra mandeha
fahamarinana
(
20/03/2010 16:43)
Naika nihomehy kely !Maka sary an-tsaina ilay voatantara ,tena niova marina tokoa ny bika aman'endrika taona maro aty aoriana ,fa ny fitiavana angamba mitoetra foana !
tywa68
(
20/03/2010 17:11)
Faha > na niova bika aman'endrika hono izy d mbola babony foana i Ikemba 😊)
mangamaso
(
31/03/2010 11:27)
Izany ka tena fitia 😊