Eny anabakabaka eny (Ilay FANAMBY)

Eny anabakabaka eny

Eny anabakabaka eny
No sisa fanantenako

Eny mako no mba fialokalofako nefa rakofan-draho maity mitatao zay monina mandavatao

Eny no mba sisa fitaratra, nefa rahona tsy mijanona fa ali-maitim-pahavaratra

Eny anabakabaka eny no anidinana lay elatra
Nefa oram-batravatra godo amam-kelatra

Eny no mba irina hahasambatra
Nefa raho mitatao amam-baratra

Eny no mba irariana diavola-kasambarana
Nefa rimba lay volana fenomanana

Eny no mba akana lay hatsaram-bitana
Nefa lasa nandao ahy ireny kintana

Eny apara-vodilanitra eny
Eny sisa mba fanantenako

Eny mako no mba fitsangatsanganako
Nefa tsy haiko fa toa rakofan-javona feno bibidia mampahonena ka tsy afaka onena

Eny aho no mihazana tantely
Nefa toa nandao reny ka rivotra sisa mifofo ka mameno ny foko

Eny aho no mihazana vorona
Nefa voary manetroka no mameno ny ao akorona

Eny no itarafana taramasoandro
Rehefa iny takariva mody masoandro
Nefa aloka mangatsiaka fa tsy taratra manjobika.


(Ilay FANAMBY, Eny anabakabaka eny, septembre 2021)
--------