Embona (Nalison Randrianaivo)

Embona

lasa ny eritra
nanaitra ity fo
ny ranomaso no nanerika
nameno ny tava
fa mbola hisava
ny hambom-po

lasa ny embona
embona tsy nahy
izay nampisento ahy

lasa ny hanina
nampihevina ahy foana
indrindra amin'ny alina

lasa ny ventso
ka hila tsy tana
nitondra ilay sento
ho any aminao ry lala

lasa ny kalo
ka hila hampimalo
ny tsiahy anao
namela toy izao
--------