Sanatria! (Nofy2)

Nantsain'i ikalamako
(Nalaina tao amin'ny vetso.serasera.org)
fa angaha ianao mihevitra fa izaho rehefa tia
dia vonona ny hilanja ny ditranao rehetra
tsoriko aminao fa ataoko sanatria
izany hoe fitiavana tsy arahana fepetra

izaho manaja anao satria ianao no vadiko
vita ara-dalana fa nefa tsy midika
ny hitsakitsakao tsy ekeko sady laviko
aleo ianao mandeha manaraka ilay sipa

ny revirevinao zakako eny ihany
ny alim-podinao tsy dia iasako loha
fa ny vehivavinao tsy lefitro raha izany
ka tena tofoka aho ka aok'izay aloha

tsy mampaninona ahy ny tsy fahampiana
ato an-tokantrano izay iarahana mahita
fa laviko ihany kosa ny fandikana dina
raha toa ny famitahana no ataonao ditra

izaho tsy tonga lafatra ka hoe hizahozaho
fa izay rehetra nomeko dia ampy ho anao tokoa
ny anao efa safidy, akory mo atao
aleo re ny divorsa no homanintsika roa

Nofy2 30 Sept 2021
--------
Rohy:
Sokajy : Fitiavana
850 1
Hametraka hevitra
Midira aloha
Momba ny tononkalo
Mpanoratra : Nofy2
Nampiditra : Nofy2
Daty : 06/10/2021 15:31
Antsantononkalo
Nantsain'i ikalamako
© Eugene Heriniaina - serasera.org 1999 - 2024 - page load 0.0102