Tsarovy (Ny Avana Ramanantoanina)

Nantsain'i
(Nalaina tao amin'ny vetso.serasera.org)
Tsarovy fa fihodinkodinana
No didy mitondra ny tany,
Fiakarana sady fidinana,
Korontana ambony sy ambany !

Ny ketraka mora mivarina,
Miroraka tonga kanosa;
Ny potraka nefa tafarina,
Ireny ka olona kosa !

Dia olo-mandala ny lazany
No sady mitandro ny zony,
Manandratra ilay Tanindrazany,
Manondrotra an'io ho ambony.

Mandritra ny andro iainany
Ka mandra-patoriny ho lo,
Izany no hany fisainany,
Fisainana tsy maintsy ho to !
--------
Rohy:
Sokajy : Fiaraha-monina
3543 3
Hametraka hevitra
Midira aloha
Momba ny tononkalo
Mpanoratra : Ny Avana Ramanantoanina
Nampiditra : jantina
Daty : 23/09/2019 16:48
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0103