HIHAVANA ISIKA (Ny R. FIDIMANANTSOA)
Mbola tsisy niantsa
(Nalaina tao amin'ny vetso.serasera.org)
Hisy alahelotsy ho afa-tomany;
Hisy tomany
tsy hilaozan-toreo;
Hisy toreo
horontsonina ihany,
raha ‘zaho no ho very
tsy ho havanareo.
Hisy toloko
hahaory tanàna;
Hisy tanàna
ho vonton-katsiaka;
Hisy ny hatsiaka
tsy hisolo hafanana
raha toa hifanary
tsy hihavana isika.
Hisy ny helo eto an-tany reroy,
raha olona tiana … kanefa hafoy!
Ny R. FIDIMANANTSOA
22/06/1999
--------
Rohy:
Sokajy :
tsara - Fihavanana - Fianakaviana - fiainana - Aingam-panahy - tsara - Hanina - Fianakaviana - Fiaraha-monina - Alahelo
Mpakafy:
Liber_T