Fahantrana (RAMANANTSOA Ricardo)
Mbola tsisy niantsa
(Nalaina tao amin'ny vetso.serasera.org)
FAHANTRANA Fiainan-tsarotra tsy mora setraina
Fa aizimpito no miseo
Ka tsy mba misy izay maraina
Fa fijaliana mankaleo
Izany foana no mba misy
Ka alahelo foana foana
Izay fifaliana dia indrisy
Fa fisaonana mandava-taona
Fa fahoriana lava izao
No mba misi eto an-tany
Ka tebiteby mankalao
Izay jerena dia tomany
Ny fitafiana sy sakafo
Rovidrovitra eny foana
Tsy mba takatra sy lafo
Ka ny ao an-trano babangoana
Ny aina no hany fananana
Fa ny ankoatra izay dia lany
Ny retraretra dia tsy ananana
Ka tsy misy mpanontany.
RAMANANTSOA Ricardo
--------
Rohy:
Mpakafy:
ricardo