EO AMINAO (RFE Andria)
Mbola tsisy niantsa
(Nalaina tao amin'ny vetso.serasera.org)
EO AMINAOEo aminao re ry Ray no ametrahako ny fiainako
Ianao irery no antenaiko hanafoana ny tarainako
Ireo teny fikasana izay nomenao no ifikirako
Ny famonjena atolotrao no ataoko hirahirako
Ianao no nanambara fa mihoatra noho ny vorona
Izahay zanakao izay Ianao no namorona
Eo aminao no ametrahako ny olam-piainako tsy zaka
Fa anaty ivom-piainako dia Ianao no manjaka
Ireo entako mavesatra, ô mba raiso re ry Ray
Fa efa lanaka aho izany nivongika azy hatrizay
Tsy mba manan-kianteherana afa-tsy Ianao dia Ianao
Izany no antony ametrahako ny fiainako eo aminao
RFE Andria – 15/10/2015 (misafo helika ny kary)
--------
Rohy:
Sokajy :
Vavaka