MATOKY AHO (RFE Andria)
Mbola tsisy niantsa
(Nalaina tao amin'ny vetso.serasera.org)
MATOKY AHOTsy fantatro akory izay havoaky ny ampitsoko
Na ho tsara na ho ratsy mitaha amin’ny omaly
Fa ny azoko atao dia ny vavaka no afitsoko
Sy ny mino, manantena fa izany dia hivaly
Eo am-pelatananao no apetrako ry Raiko
Ny fiainako tontolo, ny amiko rehetra
Matoky aho anio fa hotsimbininao ny aiko
Satria ny fitiavanao soa tsy manam-petra
Ka na alina aza aho tena tsy nahita tory
Niady saina irery tsy haiko hoe nahoana
Tsy misy fanahiako anio na dia kely akory:
Matoky aho fa Ianao mitantana anoloana
Tsiky Arofanina – 13/10/2015
--------
Rohy:
Sokajy :
fanantenana - Vavaka
Mpakafy:
Melaniejessy78