Anjara sa Fitiavana? (Volatiana Rahaga)
Mbola tsisy niantsa
(Nalaina tao amin'ny vetso.serasera.org)
Fo roa tsara vintana,Vy roa tsy mba mikitrana,
Fa toa mifanome hery,
An-tsitra-po fa tsy voatery.
Saina roa ivohon'ny vato,
Mifampiresaka tsy miato,
Tsy matahotra alavirana,
Anaty haizina mangirana...
Fanahy roa mifampitady,
Sanatria hivarina an-kady
Izay tsara indrindra no omena,
Tia fotsiny tsy tia tena.
Vatana misary adala,
Satria efa samy mahalala,
Fa hoe any angamba no anjarany,
Fa ny aty sombim-pitiavany.
VR.Anjoron-tany.26-06-08
--------
Rohy:
Sokajy :
Aingam-panahy