Fo velon-kira. (Volatiana Rahaga)

Ny teny rehetra rehetra filazana ny fitia,
Dia efa novetsoiko, nolazaiko, nampiasaiko,
Saingy tsapako fa tsy ampy reo satria,
Ny fitiavako anao dia tsy takatry ny saiko.

Ny aminao rehetra ampitahaiko amin'ny hafa,
Dia nalahatra hambabo ity foko nanirery,
Fomba fiaina, fijery, fitsiky sy fitafa,
Niampy ny fahatsoranao nampikatona ity fery.

Mibitaka sy jejo ity foko sendra zay manina,
Nijanona fitempo sendra anao tsy misy kihanina.
Ny mba faniriany raha ny aina no hametra,
Dia foiny zao rehetra zao fa ny fitiavany aoka hitoetra.

Volatiana Rahaga
San francisco May 2006.
--------