Saro-kenatra (Volatiana Rahaga)

...
Lavitra anao aho mahatsiaro ho akaiky,
Raha tadiavinao vao maika miery,
R'efa adinonao toa lasa manjokaiky,
R'efa tsy hitanao aho mangala-pijery.
...
Tsy rarahanao aho vao maika mitady,
Rehefa atsipinao misarangotra miady,
Nony iny roboka enao ka milaza hoe "tara"
Aza mitoditodika,izaho tsy ao afara.
...
Sarihinao aho vao maika mandositra,
Hiantahantana manifika miala,
Vazivazianao dia toa mody sosotra,
Iri-maha ory toa zanaka adala.
...
Ny antony tsotra tsy"fampirehetana"
Na familafilana tonga fahafinaretana,
Fa fo mientanentana sendra ny tiany,
Sy toa saro-kenatra aza arahanao tsiny...
Anjoron-tany
21 may 2008.
--------