NITSIMOKA (AnjaraNivo)

NITSIMOKA

Nitsimoka mora ny taho-manify
Sy fanja tsy tody amin'ny tanjony ho voa
Fa ny eri-nanondraka: indreny nidify
Ny ho avin'ny voary mba ho inona moa?

Tsy ho inona akory f'ho mora halazo
Ho maina tanteraka aoriana kely
Tsy ho ela famokatra fa voninkazo
Miendrika zaza tsy manana reny.

Izany ny sarin'ny fahakambotiana
Rehefa tarafina anaty natiora
Alaina amin'ny endri-tantara mahalianan'
Ny taho-manify nitsimoka mora.

Ainampaniry Anjara Nivo
--------