Mivezivezy ny olombelona (andriary)

Mivezivezy ny olombelona

Mikaro-zavatsoa
Miasa fatratra tokoa
Mianatsimo mianavaratra
Mitady fiainana tomaratra!

Mivezivezy ny olombelona

Sahy mandao ny fonenany
ahasambatra ny tenany,
Tonga hatrany amparan-tany
te-higoka ranomamy!

Mivezivezy ny olombelona!

Mitady zay hiafenana
Mba handry fahalemana
Ny ho avy sy ny ampitsony
Hanitsiny ny lalan-disony!

Mivezivezy ny olombelona!

Te-handositra ny fasany
sy ny lanjam-balin'asany
ka mikarok'ody faty
tsy te-hanota hatrany anaty!!!

mivezivezy ny olombelona!!

te-hanakatra ny lanitra
te -hahita an'Andriamanitra
dia manakatra ny ambony!
sahy mivarotra.... ny fony!!!

andriary
--------